سن یاریمین قاصدی سن          

اگلشن سنه چای دئمیشم

خیالینی گوندریب دی            بسکه من آخ-وای دئمیشم

آخ!گئجه لر یاتمامیشام

من سنه لای-لای دئمیشم

سن یاتالی،من گوزومه              أولدوزلاري ساي دئميشم

هركس سنه أولدوز دئيه

أوزوم سنه آي دئميشم

سندن سونرا،حياته من                شيرين ديسه،زاي دئميشم

هر گوزلدن بير گول آليب

سن گؤزه له پاي دئميشم

سنين گون تك باتماغيوي                آي باتانا تاي دئميشم

ايندي يايا،قيش دئييرم

سابق قيشا،ياي دئميشم

گاه طويووي ياده ساليب            من ده لي،ناي-ناي دئميشم

سونرا يئنه ياسه باتيب

آغلاري هايهاي دئميشم

اتك دولي دريا كيمي              گؤز ياشيما،چاي دئميشم

عمره سوره ن من قره گون

آخ دمئميشم،واي دئميشم

شعر از زنده ياد شهريار